Mario Balotelli ka zhvilluar një ndeshje fantastike një natë më parë në fitoren e Italisë 2-1 përballë Arabisë Saudite. Kjo ishte ndeshja e parë e “axurrëve” nën drejtimin e trajnerit të ri Roberto Mancini dhe ishte një debutim mjaft pozitiv. Sulmuesi i Nices u rikthye në kombëtare pas katër vitesh dhe e bëri në mënyrën më të mirë, ne një supergol nga distanca.
Një ndeshje pozitive për të, e para nën urdhrat e Roberto Mancinit, u prish kur një pankartë u pa në tribuna me mbishkrimin: “Kapiteni im ka gjak italian”. Ishte një shenj drejtuar Balotellit, i cili do të bëhet zëvendës-kapiten i Italisë, pasi Gianluigi Buffon dhe Daniele De Rossi janë pensionuar nga Kombëtarja.
Por ai ka reaguar menjëherë sot, duke shkruar se “jemi në 2018-ën njerëz, mjaft ju lutem”. Po ashtu sulmuesi italian i ka kërkuar ndihmë edhe Federatës italian për ta zgjidhur këtë problem me tifozët.
