Ministrja e Arsimit dhe Sportit Lindita Nikolla ka komentuar incidentin e sotshëm, ku u refuzua nga studentët pasi doli për të komunikuar me ta jashtë godinës së ministrisë.
Në një intervistë telefonike për Ora News, Nikolla tha se studentët kërkuan daljen e saj në shesh dhe prandaj doli. Por, sipas saj zgjidhjet nuk bëhen në shesh.
E pyetur nëse ka ndërmend të japë dorëheqjen, ministrja tha se kjo është gjëja më e kollajtë por nuk ka bërë asnjë gabim që të dorëhiqet nga posti i saj.
“Me vullnet e dëshirën e Lindita Nikollës, si nënë dhe ministre dola për t’u thënë që çështjet zgjidhen duke komunikuar. Pas kërkesave dhe parullave Lindita Nikolla dil në bulevard u nisa të komunikoj.”
A ishte provokim?
Studentët kanë gjithmonë të drejtë por zgjidhet me diskutim. Të parashtrojnë gjithë kërkesat që ata kanë dhe jo duke i ndryshuar ca sot e ca nesër. Jemi të hapur të adresojmë e shifra e fakte deri në fund. Kërkuan daljen time në shesh dhe dola në shesh e bindur që nuk zgjidhet.. Zgjidhjet nuk bëhen me sheshe .. Në çdo orë të ditës dhe kur studentët të dëshirojnë. Unë i pres.
A keni menduar të jepni dorëheqjen?
Është gjëja më e kollajtë por duhet të jetë në kushtet e papërgjegjshmërisë. Nuk është fundi i botës por Lindita Nikolla nuk ka bërë asnjë gabim.
