Një grua britanike ka vdekur, pasi u pickua nga një grenzë në një restorant në Costa Blanca. 68-vjeçarja thuhet se ka pësuar tronditje anafilaktike. Mjekët u përpoqën ta shpëtonin duke kryer CPR, por ajo u shpall e vdekur në vendngjarje, rreth orës 15:00.
Shtypi lokal raporton se ajo ishte një shtetase britanike që jetonte në zonë, dhe ishte me familjen dhe miqtë në atë kohë. “Një mjek konfirmoi vdekjen e saj rreth orës 15:00 me orën lokale”.
Një burim pranë hetimit shtoi: “Duket se ajo ka kaluar në shok anafilaktik, por do të jetë në dorën e një eksperti mjeko-ligjor gjatë një autopsie për ta konfirmuar këtë”.
Reagimet më të rënda ndaj pickimeve të grerëzave quhen anafilaksi. Ndodh kur trupi shkon në shok si përgjigje ndaj helmit të grerëzave. Një zëdhënëse e një qendre rajonale të koordinimit të urgjencës të drejtuar nga qeveria, konfirmoi se gruaja kishte vdekur pasi kishte kaluar në shok anafilaktik për shkak të një pickimi të grerëzës.
Ajo tha: “Alarmi u ngrit rreth orës 14:00 sipas kohës lokale. Gruaja që humbi jetën kishte qenë brenda bar-restorantit ku ndodhi tragjedia. Ajo u pickua dhe pësoi një reagim të ashpër ndaj helmit. Ajo kaloi në shok anafilaktik dhe vdiq në vendngjarje”. Restoranti ku ndodhi tragjedia mësohet të jetë në një zonë të Moraira, pjesë e komunës Teulada-Moraira, e quajtur La Sabatera.
Burimi i lajmit: dailymail. Përshtatur nga Tirana Today
