Flamurtari i Shpëtim Duros pësoi një disfatë të thellë përballë kurbinasve, me rezultatin e thellë 4-2. Një humbje që djeg shumë dhe vazhdon ecurinë negative të vlonjatëve. Trajneri Duro shpërtheu sërish pas ndeshjes ndaj arbitrit, sipas të cilit ishte vendimtarë në këtë takim dhe se gjithmonë ndaj Laçit e njëjta histori.
A ju munguan disa faulle sot?
Nuk dua ta filloj nga faullet. Kisha vendosur të mos merrem me arbitrat. Jam pak i tensionuar nga golat e shënuara nga Laçi. Kam nevojë të di se çfarë thotë edhe paneli për këtë.
I kam parë rastet në televizion dhe besoj se Rexinaldo ka qenë 2-3 metra offside, edhe penalltia nuk ka qenë. Ta çosh ndeshjen 2-0 që në minutën e 20, për mua është shumë e vështirë për tu përmbysur. Edhe ne kishim shumë raste për tu dhënë, por arbitri nuk i dha.
Në pjesën e dytë ekipi reagoi, por 2-0 është shumë i vështirë për tu përmbysur. Edhe në kishim fajet tona në golat e tretë dhe të katërt. Do ti diskutojmë në vazhdim.
Janë bërë tre ndeshje me Laçin, e njëjta histori. Në të dyja ndeshjet e para jemi dënuar. Tre ndeshje me Laçin e njëjta histori, por e sotmja ishte skandaloze.
Portieri Qirko pse qëndroi në stol dhe u aktivizua Sali?
Ata janë të dy debutues. Janë vendime teknike. Kisha më shumë bindje që të luante portieri Sali. Në Shkodër ai kishte disa problem, por do të ishte aktivizuar që atje.
