Dy nga qytetarët që janë liruar pas ndalimit 48 orësh në Serbi, janë kthyer në Kosovë dhe kanë shpjeguar për media sesi ndodhi arrestimi i tyre.
Dervish Maliqi e Esat Muqolli deklaruan se ishin rrugës për në Gjermani kur u ndaluan nga policia dhe të njëjtit u dërguan në Kushumli.
Qytetarët treguan se policët serbë u kanë thënë se arrestimi i tyre s’ka bazë por është çështje politike.
“Civilët na kanë dërgu në stacion policor. Thojshin që ska asnjë akuzë me bazë, vetëm politikë”, tha qytetari Maliqi. Ky i fundit tha se pasi kanë njoftuar familjarët për arrestimin, u janë marrë telefonat.
“Jemi kanë t’u shku për Gjermani, si jemi dalë na kanë ndalu, na morën dokumentet veç na kanë thanë parkoje xhipin dhe na kanë shti në xhip na kanë qu në Kushumli, kemi nejt 2 orë skemi ditë kurgjë”, tha qytetari Muqolli.
“Tjerët policë na kanë trajtu shumë mirë se edhe ata u çuditshin për këtë rast dhe secili polic thoshte se kjo është vetëm politikë”, u shpreh qytetari Maliqi.
