Një ngjarje e rëndë është shënuar rreth orës 22:00 të mbrëmjes së djeshme në Kavala, Greqi.
Një 18-vjeçar shqiptar, identiteti i të cilit nuk është bërë ende me dije, është qëlluar me dy plumba në shpinë duke mbetur i vdekur në vend.
I riu luante me një ekip futbolli grek, raporton lamianow.gr.
Mediat greke shkruajnë se viktimës i është gjetur në dorë një kartëmonedhë 50 euroshe.
Nuk dihen ende motivet e ngjarjes së rëndë.
Banorët pasi kanë dëgjuar të shtënat kanë lajmëruar policinë e cila ka mbërritur duke rrethuar vendin e ngjarjes. Ai është gjetur i pajetë mes një pellgu gjaku në rrugë.
Prindërit janë marrë në pyetje, ndërsa 18-vjeçari jetonte prej vitesh në Greqi, aty ku kishte mbaruar edhe shkollën. E ndërsa ende nuk ka një pistë zyrtare, mediat greke shkruajnë mund të jetë një viktimë e përplasjeve për drogën.
