Edhe pse arriti të kthehet tek fitorja në përballjen me Sampdorian, Milani nuk ka kohë të buzëqeshë pasi ka marrë një lajm të hidhur. Bëhet fjalë për Matia Caldaran i cili akoma nuk ka debutuar në Serie A me kuqezinjtë dhe tashmë është shtyrë sërish.
Edhe pse fillimisht u lajmërua se do të mungojë rreth dy muaj për shkak të dëmtimi të në pulpë. Ekzaminimet e detajuara kanë treguar se ai ka një këputje prej 3 centimetra në muskulin e pulpës së djathtë dhe koha e rikuperimit të tij është 3 muaj duke qenë se do të duhet të ndjekë disa seanca ekstra fizioterapie.
Caldara u bashkua me Milanin në fillimtësit, pasi u shkëmbye kokë më kokë me Bonucin, i cili pas një sezoni zhgënjyes u rikthye tek Juventusi. Gjithsesi e ardhmja e tij te Milan është vënë në dyshim pasi italiani ka luajtur vetëm një ndeshje ndaj Dudelange dhe nuk ka debutuar ende në “San Siro”.
Problem mbetet edhe për Gattuso, i cili nuk i gjen dot një pozicion në fushë duke qenë se Caldara te Juventus ka luajtur me mbrojtje me 3 lojtarë, ndërsa te kuqezinjtë duhet të përshtatet me mbrojtjen me 4. Shtoi këtu problemet që pati në fillim të sezonit në shpinë dhe më pas dëmtimi i radhës që e mban gjatë larg fushës.
Nëse Caldara nuk rikthehet të luajë në pjesën më të madhe të ndeshjeve në fazën e dytë me shumë mundësi e ardhmja e tij te Milan do të jetë në pikëpyetje të madhe në fund të sezonit.
