Së fundmi ka qarkulluar në media një informacion se Ministria e Diasporës ka hapur një tender, ku ka porositur printimin e 2000 lojërave “Mos u nxeh”, së bashku me kopsat dhe zaret. Pikërisht këto lajme kanë nxitur reagimin ironik të Ministrit të Diasporës, Pandeli Majko, i cili përmes një postimi në rrjetet sociale e ka përgënjeshtruar këtë gjë.
Një ditë më parë qarkulloi në media lajmi se Ministria e Diasporës, drejtuar nga Pandeli Majko, ka hapur një nga tenderat më të çuditshëm në 30 vitet e fundit. Kjo ministri ka porositur printimin e 2000 lojërave “Mos u nxeh”, së bashku me kopsat dhe zaret.
Ato janë porositur për 4 qytete të Shqipërisë, që do të përfitojnë secila nga 500 lojëra të tilla, përkatësisht Tirana, Korça, Shkodra dhe Gjirokastra.
Qendra e Botimeve për Diasporën ka shpallur “Ftesën për ofertë”, me objekt “Shumëfishimin e lojës “Mos u nxeh” për 4 qytete, me nga 500 kopje për çdo qytet”.
Në lidhje me këtë çështje, ai thotë me anë të një statusi në Facebook se Ministri i Shtetit për Diasporën nuk ka buxhet.
Statusi
PERGENJESHTRIM
Lajmi se Ministri i Shtetit për Diasporën ka bërë “tender novativ” për një lojë mos u nxeh është humor për pushuesit! Kur këtë lajm e nxjer gazeta “Tema” situata bëhet serioze.
http://ëëë.gazetatema.net/…/ministria-e-diaspores-projekt-…/
Për informacion, Ministri i Shtetit për Diasporën nuk ka buxhet ndaj ka “fatin” te mos merret me tendera. Agjencitë përgjegjëse për diasporën (në rastin konkret Qendra e Botimeve për Diasporën) e menaxhojnë buxhetin e tyre mbi vendimarrje te Këshillave drejtues të cilat përbëhen nga përfaqësues nga ministri te ndryshme.
Për “lodrën” dhe “lodërtarët” e lojës në fjalë Qendra e Botimeve ka dhënë një sqarim publik qe prej katër ditësh në faqen e saj.
https://ëëë.facebook.com/…/a.3184312054391…/650400642242188/
Loja “novative” është vec një program plotësues i mësimdhënies në diasporë për fëmijët.
Me sa duket, ja vlen të organizohet edhe një lojë tjetër “MOS U MERZIT MOTER”!
