Shuma e akorduar në vitin 2011 për financimin e projektit në ndërtimin e rrugës Tiranë -Elbasan, nga Banka Islamike, ishte 222 mln e 700 mijë dollarë, por kjo rrugë ende nuk është përfunduar.
Punimet për ndërtimin e 27 km filluan në 15 shkurt 2012. Për realizimin e tunelit të Krrabës me dy korsi lëvizje, punimet filluan në prill 2011 dhe përfunduan mars 2013, nga kompania kontraktore AKTOR me supervizimin nga kompania Spectrum Engineering.
Gjatë punimeve pati rrëshqitje të rrugës dhe të dherave, kjo problematikë u shtua ndërsa filloi sezoni i shirave, duke bllokuar rrugën nacionale dhe shpesh herë u bë edhe burim për aksidente.
Dhe sot, rruga nuk ka përfunduar, dhe për të kërkohen para të tjera.
Banorët e fshatit Myshqeta, aty ku edhe rrëshqitja e dherave solli dëmtim të disa banesave, ende nuk kanë marrë dëshmpërblimin për pronat e zëna dhe të dëmtuara, por ndjehen edhe të rrezikuar si pasojë e rrëshqitjeve.
