Dy “bishat” e ringut shqiptar, Nuri dhe Sefer Seferi, do të zhvillojnë një ndeshjen së bashku më 16 mars në Vjenë të Austrisë, kundër boksierëve nga Afrika.
Kështu Nuriu do të ndeshet kundër boksierit nga Namibia, Wilberforce Shihepo i cili deri më tash ka zhvilluar 33 duele, nga të cilat, 24 fitore ( 17 me nokaut) si dhe 9 humbje, kurse vëllai i tij Seferi do të kryqëzoj dorëzat me Vikapita Merero.
Cekim se “Tysoni Shqiptar” është njëri prej boksierëve më të suksesshëm shqiptar në boskin profesionist ku deri më tani ka zhvilluar 47 duele, prej të cilave, 39 fitore ( 22 me nokaut ) e 8 humbje.
Vëllezërit Seferi përgatitjet e tyre janë duke i zhvilluar në klubin e tyre kurse nuk po mungojnë edhe sparingjet me emra të njohur.
Ata ndihen mirë dhe presin fitore në Austri. Po ashtu ata shpresojnë se do të kenë përhapjen e madhe nga shqiptarët në Vjenë dhe në fund ata premtojnë se do të festojnë së bashku.
