Ish-ministri grek i Financave, Janis Varoufakis, ka rënë pre e një sulmi kibernetik. Mësohet se hakerat nga Turqia i kanë sulmuar profilin e tij në Twitter, ku publikuan video me flamurin turk dhe atë grek.
“Do të ngremë flamurin turk në Athinë. Prisni popullin fisnik dhe luftëtar të Turqisë”. Ky është mesazhi që kanë shkruar hakerat në Twitter-in e ish-ministrit.
Pas një ore, ish-ministri grek i Financave ka njoftuar se është në dijeni të këtij sulmi. “Për një orë llogaria ime u kap nga fashistët turq me barbaritë e tyre. Shpresoj që ta kem rimarrë tani”.
Menjëherë ka ardhur një kundërpërgjigje nga hakerat: “Nuk ka mbaruar akoma. Pusho”!
