Ministri i Punëve të Jashtme Mevlut Çavusoglu deklaroi se Turqia nga dita e djeshme është bërë partnere e Bashkimit të Vendeve të Azisë Juglindore ASEAN, “Turqia zyrtarisht është bërë partnere e ASEAN-it”, tha Çavusoglu në kryeqytetin filipinas, Manila, ku mori pjesë në takimin e 50-të të Ministrave të Jashtëm të organizatës.
Çavusoglu tha se Turqia aplikoi për herë të parë në vitin 2015 dhe është punuar intensivisht për këtë partneritet, “Kjo është një iniciativë që i përshtatet politikës së jashtme shumë palëshe dhe proaktive të Turqisë”, tha Çavusoglu.
ASEAN u themelua më 8 gusht të vitit 1967 në Bangkok të Tajlandës në pjesëmarrjen e dhjetë vendeve, Brunei, Kamboxhia, Indonezia, Laosi, Malajzia, Mianmari, Filipinet, Singapori, Tajlanda dhe Vietnami.
Çavusoglu shtoi: “Në periudhën e ardhshme, vëllimi i tregtisë dypalëshe me vendet e ASEAN-it do të rritet më shpejt dhe gjithashtu do të shfaqen mundësi të rëndësishme për biznesmenët tanë Turq. Si partneri i ri i ASEAN, përpjekjet e Turqisë për të përmirësuar marrëdhëniet dypalëshe me vendet e ASEAN-it do të vazhdojnë”, deklaroi ministri Çavusoglu.
