Vijojnë arrestimet masive në Turqi. Së fundmi, në pranga kanë rënë 170 persona, të cilët dyshohet se kanë lidhje me klerikun fetar, Fethullah Gulen. Ky i fundit akuzohet për organizimin e tentativës së grushshtetit në vitin 2016.
Shënjestër e arrestimeve janë ushtarakë të pensionuar apo në shërbim, raporton agjencia e lajmeve Anadolu, ndërsa shtonse 22 prej tyre janë burgosur mëngjesin e sotëm.
Deri më tani, në Turqi janë burgosur 50.000 njerëz, si dhe janë pezulluar apo pushuar nga puna rreth 150,000 të tjerë.
Ndërkohë, këto masa, qeveria turke i cilëson si një spastrim të nevojshëm që mund të neutralizojë kërcënimin që paraqet rrjeti i Gulenit.
