Festivali i parë i filmit turk në Hollywood do të zhvillohet nga Paramount Pictures Studios në datat 20-22 tetor.
Në mbrëmjen gala tw festivalit do të jenë të ftuar kinematografë nga Hollywoodi dhe Turqia, kurse në kuadër të festivalit do të shfaqet edhe filmi turk “Ayla”, i cili është nominuar për çmimin Oscar si “Filmi më i mirë i huaj”.
Aktiviteti në fjalë do vazhdojë me shfaqjen e filmave turq “Panja”, “E kuqja e Stambollit”, “Infektimi”, “Lumturia”, “Mbyllur”, “Pusi”, “Dheu”.
Në festivalin që do të zgjasë tre ditë pritet të marrin pjesë personalitete të shquara turke, siç janë Demet Akbag, Meryem Uzerli, Selçuk Yontem, Buçra Pekin, Hilal Saral, Hidayet Turkoglu dhe Kaan Urgancıoglu, si dhe aktorë të njohur, regjisorë, producentë dhe pjesëtarë të jurisë së çmimit Oscar dhe Golden Globe, shkruan aa.
Festivali synon të japë kontribut të rëndësishëm në nivel global për imazhin e Turqisë dhe kinematografisë turke, duke planifikuar të shndërrojë në markë kinematografinë e këtij vendi.
Në kuadër të festivalit po ashtu synohet të inkurajohet kureshtja për Turqinë dhe kulturën turke dhe t’u ofrojë mundësi punë në Hollywood produksioneve turke, duke tërhequr vëmendjen e industrisë filmike të Hollywood-it.
