Turqia kërkon “EURO 2024”, konkurron me stadiumet e saj moderne

Turqia e cila është kandidate për organizmin e Kampionatit Evropian në futboll “EURO 2024” kërkon të zhvillojë këtë turne në 10 stadiumet e saj moderne që ndodhen në 9 qytete.

Stadiumet moderne dhe të reja janë në krye si veçoritë më kryesore të Turqisë, përpara organizimit ku do të caktohet vendi organizator i “EURO 2024” vendim i cili do të merret të enjten më 27 shtator në qytetin Nyon të Zvicrës.

Në dosjen e dorëzuar UEFA-s njoftohet se Turqia për organizimin e “EURO 2024” ka në dispozicion 8 nga 10 stadiume dhe se do të shembë dhe rindërtojë stadiumin oplimpik Atatürk në Stamboll dhe stadiumin në Ankara të cilët do të jenë të gatshëm për turneun ndërkohë është premtuar edhe për përmirësime në stadiumin e Antalya-s.

Për “EURO 2024”, UEFA-s i janë dërguar në dosje stadiumi olimpik Atatürk dhe stadiumi Türk Telekom (Stamboll), stadiumi i Bashkisë së Bursa (Bursa), stadiumi Antalya (Antalya), stadiumi Yeni Eskişehir (Eskişehir), stadiumi Gaziantep (Gaziantep), stadiumi i Bashkisë Konya (Konya), stadiumi Medical Park (Trabzon), stadiumi Yeni Kocaeli (Kocaeli) dhe stadiumi Ankara (Ankara).

Stadiumi olimpik Atatürk dhe Türk Telekom në Stamboll

Stadiumi olimpik Atatürk i planifikuar për t’u rindërtuar për “EURO 2024”, parashikohet të ketë kapacitet prej 92.208 vendesh, ku për këtë stadium do të ketë tribuna më të afruara me fushën, akustikë ndikuese dhe vende pritëse nga ku mund të shikohet tuneli prej ku dalin futbollistët në fushë qeë do të ofrojnë një përvojë të veçantë për shikuesit. Gjithashtu stadiumi olimpik Atatürk do të ketë edhe 191 lozha brenda tij.

Ndërsa stadiumi Türk Telekom, ku Galatasaray zhvillon ndeshjet, do të ketë cilësinë e stadiumit të parë që hapet brenda stadiumeve aktuale. Ky stadium krahas kapacitetit prej 53.611 vendesh është stadiumi që ka hapësirën më të madhe VIP në Turqi.

Stadiumi ri në Ankara

Stadiumi ‘19 Mayıs‘ në Ankara i cili aktualisht ndodhet në fazën e shembjes planifikohet që ndërtimi i tij të realizohet në vitin 2021 me një kapacitet prej 65.307 vendesh.

Stadiumi në Antalya

Stadiumi i Antalya-s i cili është hapur në vitin 2015 është stadiumi i vetëm për të cilin është njoftuar se do të bëhen përmirësime për “EURO 2024”. Ky stadium ka një kapacitet prej 42.616 vendesh dhe 52 lozha.

Stadiumi në Bursa

Stadiumi i Bashkisë së qytetit Bursa në të cilin zhvillohen ndeshjet e ekipit të Bursaspor në Kampionatin e Super Ligës, tërheq vëmendjen çatia e tij në formën e “krokodilit”. Ky stadium ka një kapacitet prej 43.761 vendesh.

Stadiumi në Eskişehir

Hapja e stadiumit Yeni Eskişehir është bërë në vitin 2016 dhe është një nga stadiumet e përfshira në kandidaturën e Turqisë. Ky stadium ka një kapacitet prej 34.930 vendesh, ku edhe kombëtarja turke ka luajtur disa ndeshje në këtë stadium.

Stadiumi në Gaziantep

Për Kampionatin Evropian të Futbollit është gati edhe stadiumi i qytetit Gaziantep, i cili është një nga zonat më të vjetra, ka një kuzhinë dhe histori të pasur. Ky stadium me kushtet e standardeve të UEFA-s përfundoi vitin e kaluar dhe ka një kapacitet prej 35.219 vendesh dhe 54 lozha.

Stadiumi në Kocaeli

Stadiumi në Kocaeli është hapur këtë vit dhe është stadiumi më i vogël nga kapaciteti i shikuesve me 34.712 vende në të cilin zhvillohen edhe ndeshjet e ekipit Kocaelispor.

Stadiumi në Konya

Po ashtu stadiumi në Konya ashtu sikurse edhe ai i qytetit Eskişehir është një nga stadiumet ku kombëtarja turke zhvillon ndeshjet e saj. Stadiumi i Konyas është hapur në vitin 2014 dhe ka një kapacitet prej 37.829 spektatorësh.

Stadiumi në Trabzon

Trabzoni është qyteti i vetëm në rajonin e Detit të Zi, në të ndodhet stadiumi i një prej klubeve më me rrënjë të futbollit turk. Stadiumi Medical Park është hapur në vitin 2016 dhe ka një kapacitet 43.223 spektatorë, transmeton aa.

Qytetet dhe stadiumet kandidate të Turqisë

Në dosjen që Federata Turke e Futbollit i ka dorëzuar UEFA-s 10 stadiumet në 9 qytete janë si më poshtë: