Uashington Post raporton se Turqia, e provokuar nga plani i SHBA-së për kurdët në Siri, tashmë ka vendosur tanket përgjatë kufirit, ndërsa zyrtarët e Uashingtonit po përpiqen të shmangin eskalimin e situatës. Duhet theksuar se Shtetet e Bashkuara e kanë gjetur edhe një herë veten midis zjarrit të dy aleatëve.
Administrata e Presidentit Trump ka devijuar nga marrëveshja e planifikuar e sigurisë në pjesën verilindore të Sirisë, pasi Turqia kërcënoi të niste një ofensive në anën tjetër të kufirit kundër kurdëve sirian.
Mevlut Çavusoglu, ministri i jashtëm turk, tha se retorika e re erdhi si përgjigje ndaj shqetësimeve të Turqisë lidhur me marrëdhëniet e SHBA-ve me kurdët sirianë.
Ndërsa Ankaraja ka hartuar plane për të nisur operacionet ushtarake në Siri, CNN-i turk tha se ka qeveria turke ka dërguar shefin ushtarak Hulus Akarit në Moskë për të siguruar konsensusin e Rusisë, transmeton tesheshi.com. Duke pasur parasysh se Rusia kontrollon qiellin mbi zonën të cilën Turqia planifikon të sulmojë, kjo mund të prishë planet e Ankarasë dhe të çojë në rrëzimin e avionëve turq.
Siria, megjithatë, paralajmëroi të enjten se është e gatshme të rrëzojë avionët turq nëse trupat e tyre sulmojnë enklavën kurde të Afrinit në kufirin e dy shteteve, që do të mund të çojë në një konflikt të ri rajonal.
Një luftë e tillë ka gjithashtu rrezikun e ndërhyrjes së Shteteve të Bashkuara, e cila është në marrëdhënie të ngushta me kurdët dhe Turqinë (aleati i NATO-s), dhe shpesh ndodhet në udhëkryq midis interesave të dy aleatëve, përfundon analiza e Uashington Post.
