Pas planeve për blerjen e sistemeve raketore tokë-ajër të prodhimit rus të tipit, S-400, Turqia është e interesuar edhe për blerjen e raketave të reja ruse S-500, që janë në zhvillim e sipër.
Këtë e konfirmoi presidenti turk Erdogan, i cili tha:
“Në bisedimet tona me presidentin e Rusisë, Vladimir Putin, ne nuk mendojmë të ndalemi me S-400. Ne kemi pasur biseda edhe për S-500”.
Lëvizja e Turqisë për blerjen e raketave ruse të tipit S-400 është shikuar si mospërfillje e aleancës, në periudhën e tensioneve me Rusinë, për shkak të rolit të Moskës në luftërat në Siri dhe në pjesën lindore të Ukrainës.
Marrëveshja e shpallur muajin e kaluar për raketat S-400 ka shkaktuar shqetësim pasi armatimet ruse nuk mund të integrohen në mbrojtjet e shteteve anëtare të NATO-s.
