Pas takimit të presidentë të Turqisë, Iranit dhe Rusisë për çështjen e Sirisë duket se ngjarjet po marrin një trajektore të çuditshme. Moska duket se ka vendosur që të bëjë një tërheqje taktike nga Siria. Me sa duket presidenti iranian dhe ai turk kanë bindur Putin që të bëjë një lëvizje të tillë.
“Rusia ka filluar angazhimet për zvogëlimin e numrit të ushtarëve të saj në Siri” tha sekretari rus i Këshillit të Sigurisë, Nikolay Patrushev.
“Megjithatë, ende nuk është përcaktuar agjenda për këtë. Procesi do të fillojë sa më shpejtë që të jetë e mundur, pasi të përfundojnë punimet”, tha Patrueshev gjatë një deklaratë në Minsk, ku po merr pjesë në Këshillin Presidencial të Organizatës së Traktatit të Sigurisë Kolektive.
Shefi i Shtabit të Përgjithshëm të Rusisë, Valeriy Gerasimov në një deklaratë të mëparshme tha se procesi për zvogëlimin e pranisë ushtarake ruse në Siri mund të fillojë para përfundimit të vitit.
