Policia turke arrestoi sot më shumë se 1 000 persona të dyshuar se i përkisnin lëvizjes së predikuesit, Fethullah Gulen, cilësuar nga Ankaraja si iniciues i grushtit të munguar të shtetit në muajin korrik, njoftoi minsitri i Brendshëm, Seleyman Soylu.
“Këtë mëngjes, kemi ndërmarrë një operacion në 81 provinca. Operacioni po vazhdon. Në momentin që po flasim, 1 009 persona janë arrestuar në 72 provinca”, deklaroi Soylu, cituar nga agjencia shterore e lajmeve Anadolu Agency.
“Është një masë e rëndësishme në interes të shtetit të Republikës së Truqisë”, deklaroi ministri.
Sipas “Anadolu Agency”, rreth 8 500 policë morën pjesë në këtë aksion të ndërmarrë pas një tentative për grusht shteti, natën e 15-16 korrikut.
Që prej fillimit të këtij aksioni, më shumë se 46. 000 persona janë burgosur dhe më shumë se 100. 000 të tjerë janë shkarkuar. Këto masa kanë ngjallur shqetësim të OJQ-ve dhe vendeve evropiane, që dënojnë një represion ndaj prokurdëve dhe medias.
Gulen, një predikues 70-vjeçar, që jeton në SHBA, është cilësuar nga Ankaraja si nxitës i grushtit të mungur të shtetit në muajin korrik.
Autoritetet turke akuzojnë Gulen, ish-aleat i presidentit, Recep Tayyip Erdogan, si koka e një organizate terroriste që ka infiltruar institucionet për të ndërtuar një shtet paralel.
