Turjan Hyska është komentuar gjerësisht në lidhje me largimin nga “Vizion Plus”. Gjithçka nisi nga një foto e shkrepur në ambientet e “Tv Klan”, e më pas, bërjen publike të faktit se ai do të largohej nga ai televizion pas 14 vitesh karrierë.
Mesa duket, në “Klan” nuk e pret thjesht një rol producenti, por edhe një post i rëndësishëm. Ai ka pranuar se do të realizoj dy projekte gjigande.
“Në “Klan HD” do të realizoj dy projekte gjigande. Një ndër ta është një upgrade i “Apartamentit 2XL” dhe tjetrin s’dua ta zbuloj. Ndërkohë, me “Klan Plus”, i cili do të ndryshojë dhe emër, si drejtor i përgjithshëm pas premtimit të Sandër Frangajt, shpresoj që të hyjmë fort në tregun e televizioneve gjeneraliste. Ky kanal nuk do të jetë më një zgjatim i “Klan”, por një konkurrent i denjë në treg. Të paktën kjo është ambicia ime”, ka thënë ai në një intervistë për “Tiranapost”.
