Këngëtarja Tuna ka folur mbrëmë në “Xing me Ermalin” për shumë detaje rreth jetës së saj. Ka qeshur e ka qarë duke treguar për gjërat më të rëndësishme që i ka përzemër. Por, duket se që kur është bërë nënë, Tuna është më e ndjeshme. Këtë ajo e pohoi, teksa tregoi se si ia ka ndryshuar jetën i biri.
Por, çfarë e bëri të qajë këngëtaren?
Duke folur për vendlindjen e saj, Maqedoninë, Tuna është prekur dhe është përlotur. Ajo ka theksuar sërish se nuk është maqedonase, por shqiptare e Maqedonisë. Tashmë ajo jeton në Kosovë, ndërsa kur fliste për Maqedoninë është përlotur teksa tha:
“E dua vendin tim më shumë se çdo gjë tjetër në botë”. Aty Ermali ka ndërhyrë për të bërë situatën më komike duke i thënë se mëmësia e ka bërë njeri më të mirë Tunën.
