Senatorët amerikanë do të votojnë nesër për të vendosur për hapjen ose jo të debateve për miratimin e reformës së sistemit shëndetësor të Barack Obamës, premtuar prej shumë kohësh nga republikanët. Por votimi rrezikon të dështojë.
“Republikanët kanë mundësinë e fundit për të bërë atë që duhet për anulimin dhe zëvendësimin e “Obamacare”, pasi kanë kaluar vite duke bërë fushatë për këtë premtim”, theksoi sot në rrjetin social Twitter presidenti, Donald Trump, i cili e rimori këtë angazhim gjatë fushatës presidenciale.
Por aritmetika e Senatit është e dyshimtë. Nga 52 anëtarë të maxhorancës republikane, tre janë shprehur javën e kaluar se do të votojnë jo gjatë votimit të mocionit që parashikon shfuqizimin e urdhërit të ditës.
Asnjë tekst nuk mund të shqyrtohet pa një votim që autorizon hapjen e debateve.
