Presidenti i SHBA-ve, Donald Trump ka vizituar Selinë e Shenjtë në Vatikan.
Pas vizitës në Arabinë saudite dhe Izrael, Trump u prit sot nga Papa Françesku.
Pas shtrëngimit të duarve, Trump dhe Papa u fotografuan për një kohë të gjatë duke buzëqeshur para se të uleshin për të zhvilluar me dyer të mbyllura një takim ballë për ballë që zgjati rreth 30 minuta në bibliotekën e apartamenteve papnore.
Donald Trump shoqërohet nga bashkëshortja e tij Melania, vajza Ivanka dhe dhëndri Jared Kuchner.
Konform me protokollin, i cili nuk është më i detyrueshëm, dy gratë ishin veshur me ngjyrë të zezë.
