Shtetet e Bashkuara të Amerikës janë duke planifikuar largimin e plotë dhe të shpejtë të trupave ushtarake nga Rusia. Lajmin e ka bërë të ditur një zyrtar i mbrojtjes amerikane.
Vendimi i miratuar nga Presidenti Donald Trump, rrjedhimisht anulon politikat e mëparshme të Amerikës. Trump e ka sinjalizuar edhe më parë këtë gjë, pasi shumë herë e ka shprehur dëshirën që Amerika të dalë nga Siria.
Edhe pse Amerika do të vazhdojë të mbajë trupë ushtarake në Irak, në mënyrë që të nisë sulme në Siri, përsëri kjo tërheqje e Amerikës është në favor të Sirisë, Iranit dhe Rusisë. Duke rrezikuar në këtë mënyrë në zbutjen e ndikimit amerikan në rajon.
Amerika ka dërguar afro 2,000 trupa në Siri, ku qëllimi kryesor është të stërvitin ushtarët vendas për të luftuar kundër ISIS. Kohët e fundit janë shënuar disa fitore kundër grupit terrorist. Madje me mbështetjen e Amerikës dhe udhëheqjen e Forcave Demokratike Siriane, janë shumë pranë çlirimit të qytetit të fundit madh, i cili drejtohet nga ISIS, në lindje të Eufratit.
Amerika i ka forcat në Irak, gati për të sulmuar në Siri në rast nevoje. Gjatë javëve të fundit, koalicioni i udhëhequr nga SHBA-ja kundër ISIS ka kryer qindra sulme ajrore dhe artilerie duke targetuar ISIS në Siri. Dhe shumë prej këtyre sulmeve janë bërë nga Irak, ku Amerika ka më shumë se 5,000 ushtarë.
Ndërkohë koalicioni i udhëhequr nga SHBA, së fundmi ka mohuar çdo lloj ndryshimi të prezencës së Amerikës në Siri.
“Çdo njoftim i cili inicion një ndryshim të pozicionit amerikan, ‘me respekt për prezencën e ushtrisë amerikane në Siri’ është i rremë dhe synon të krijojë konfuzion dhe kaos,” -tha koalicioni në një njoftim në fillim të këtij muaji. Përshtati: Tirana Today Burimi: CNN
