Donald Trump nuk ka ngurruar t’u përgjigjet kritikave lidhur me postimet anti-islame të tij në Tëitter.
Presidenti i SHBA-ve ka dalë kundër emigrantëve sidomos myslimanë, ndërsa postimet e tij të djeshme po cilësohen si racizëm.
Megjithatë, Trump ka dëshmuar edhe njëherë se nuk i duron kritikat, duke iu përgjigjur kështu kryeministres britanike, e cila shprehu rezerva për ripostimin të disa videove anti-islame.
Trump e ka “këshilluar” Mayn që të mos fokusohet tek ai, por të përqëndrohet në terrorizmin islamik, i cili sipas tij po shkatërron Mbretërinë e Bashkuar.
“Mos u përqëndro tek unë, por tek Terrorizmi Radikal Islamik që po ndodh në Mbretërinë e Bashkuar.”
Përmes një zëdhënësi të zyrës së saj, May u shpreh se veprimi i presidentit amerikan ishte i gabuar. Kështu, zëdhënësi i kryeministres së Britanisë tha se veprimi i presidentit Trump është një gabim nga ana e tij. Gjithsesi, ai bëri me dije se ftesa ndaj Trump për të vizituar Mbretërinë e Bashkuar qëndron ende.
“Ftesa për një vizitë shtetërore është zgjeruar dhe pranuar. Detajet e mëtejshme do të shpallen në kohën e duhur”, tha zëdhënësi.
Por, duket se Trump nuk është i mirëpritur në Mbretërinë e Bashkuar. Kryebashkiaku i Londrës, Sadik Khan tha se “Britain First” është një organizatë e urryer dhe e mjeruar, pikëpamjet e së cilës duhet të dënohen.
Jeremy Corbyn po ashtu i kërkoi Theresa May që të marrë një qëndrim të ashpër kundër Presidentit Trump.
Një tjetër deputet, Chuka Umunna tha: “Unë nuk mendoj se presidenti i SHBA-ve, një president i cili ka promovuar fanatizmin, mizorinë dhe racizmin në vendin e tij, është i mirëpritur këtu. Unë mendoj se ftesa që i është bërë atij që të vijë në vendin tonë në fillim të vitit 2018 duhet të tërhiqet.” TIRANA TODAY
.@Theresa_May, don’t focus on me, focus on the destructive Radical Islamic Terrorism that is taking place within the United Kingdom. We are doing just fine!
— Donald J. Trump (@realDonaldTrump) November 30, 2017
