Presidenti i SHBA-ve është më se i vendosur për ndërtimin e murit të kufirit mes Meksikës e Amerikës.
Të martën, Donald Trump tha se mbyllja e pjesshme e qeverisë federale do të zgjaste derisa të plotësohet kërkesa e tij për fonde për ndërtimin e murit.
“Nuk mund t’ju them kur qeveria do të rihapet. Mund t’ju them se nuk do të rihapet derisa të kemi një mur, një gardh, çfarëdo që ata do të duan ta thërrasin. Unë do ta quaj atë çfarë të duan, por është e njëjta gjë. Është një pengesë nga njerëzit që “derdhen” në vend dhe nga droga”, tha Trump duke folur pas një konference video të Ditës së Krishtlindjeve me trupat e SHBA që shërbejnë jashtë vendit.
Qeveria e SHBA-ve u mbyll pjesërisht ditën e shtunë, ndërsa ende nuk ka asnjë përpjekje për të rihapur agjencitë e mbyllura nga një bllokim politik mbi kërkesën e Trump për fondet e murit kufitar.
Financimi për rreth një të katërtën e programeve federale, përfshirë departamentet e Sigurisë Kombëtare, Drejtësisë dhe Bujqësisë, skadoi në mesnatë të premten.
