Presidenti Donald Trump po sugjeron se Sekretari i Mbrojtjes Jim Mattis mund të largohet nga qeveria.
Republikani Trump thotë se Mattis nuk ka asnjë shenjë se po largohet. Por shtoi se Mund të ndodh që ai të largohet. “Mendoj se ai është si një demokrat, nëse doni të dini opinionin timtë vërtetë.
Udhëheqësi amerikan e përshkroi gjeneralin në pension si një njeri të mirë. Ne shkojmë shumë mirë, por mund të largohet, pasi në një moment, të gjithë largohen.
Trump, ka shkarkuar ose detyruar të largohen dhjetra zyrtarë të rëndësishëm. Gjithashtu ai ka parë të tjerët që i pëlqente, të japin dorëheqjen. Këtu përfshihet ambasadorja në Kombet e Bashkuara Nikki Haley. Ajo dha dorëheqjen javën e kaluar ku tha se do të linte postin e saj në fund të vitit.
Mattis, duke udhëhequr ushtrinë amerikane, herë pas here ka qenë në kundërshtim me presidentin Trump dhe shumë zyrtarë të administratës së tij, duke përfshirë këshilltarin e sigurisë kombëtare John Bolton. Mattis, në mes të vitit 2017, bëri thirrje për më shumë opsione diplomatike me Korenë e Veriut në lidhje me programin e armëve bërthamore të Phenianit, një qëndrim që presidenti Trump përfundimisht e përkrahu, gjë që çoi në samitin e qershorit me udhëheqësin e Koresë së Veriut, Kim Jong Un.
