Pas finales së Champions League, ku Liverpool u dënua nga dy gabimet e portierit Karius, anglezët janë hedhur në sulm për të tëq gjetur një portier të ri. Dëshira e Klopp është gardiani kuqezi i Lazios, Thomas Strakosha. Ndaj, sipas gazetës italiane “Il Massangero”, Liverpool është gati të paguajë 30 milionë euro për portierin shqiptar të Lazios.
Nëse ky transferim do të arrihet, për Lazion do të ishte shumë fitimprurës, pasi Strakosha u ble nga Igli Tare për vetëm 75 mijë euro nga skuadra greke e Panionios dhe tashmë ka arritur të shkëlqejë, ndonëse në javët e fundit të Serie A shfaqi disa ulje-ngritje.
Tashmë pritet që zërat mediatikë të konkretizohen dhe gjithçka varet nga presidenti Lotito. Vitin e kaluar, Thomas Strakosha rinovoi kontratën me Lazion deri në vitin 2022, por interesi i Liverpool mund të merret në konsideratë nga Lotito. Ndërkohë, Lazio ka nisur punën për të gjetur një zëvendësues për Strakoshën dhe si i tillë shihet Iker Casillas, që aktualisht luan në Portugali.
