Nuk kanë të ndalur rastet me koronavirus në botën e sportit. Një lojtar i Italisë U-21, ka rezultuar pozitiv me Covid-19. Federata italiane e ka konfirmuar me anë të një deklarate zyrtare, ku thotë se një futbollist është izoluar, pasi është infektuar me koronavirus.
“Në kombëtaren U-21 të Italisë, një lojtar ka rezultuar pozitiv në testet e zhvilluara para ndeshjeve kundër Sllovenisë dhe Suedisë”, lexohet në deklaratën e federatës italiane të futbollit. Axurrët po përgatiten të luajnë kundër Sllovenisë dhe Suedisë këtë javë.
