Gazetari Artan Hoxha ishte këtë të premte në studion e Provokacijas në ABC News për t’u dhënë përgjigje pyetjeve të Mustafa Nanos në lidhje me çështjen Balili dhe intervistën që gazetari bëri një ditë para vetëdorëzimit. Ai ka sqaruar të gjithë rrugëtimin deri në intervistimin dhe më pas vetëdorëzimin e Klemend Balilit.
“Së pari është besueshmëria. Më vunë një kusht sipas tyre unë isha njeriu kryesor që i sulmoja, kërkuan kontakt dhe në këto kushte arritëm në kontakt. I them që të jap mundësinë që të sqarosh pozitën tënde. Eskobar i Ballkanit është një emër i pamerituar.
Unë jam kontaktuar disa herë për të negociuar dhe kushtin për t’u dorëzuar, që ishte dosja. Ishte një shpërblim prej 100 milionë lekësh të vjetra. Balili nuk është vrasës është një personazh krejt tjetër.
Vetëm dy vetë e dinin që do dorëzohej në datën 15. Suksesi për mua është fakti që njeriu më i kërkuar në Shqipëri sot ndodhet në dispozicion të drejtësisë.
Ai kishte vështirësi të artikulonte, por pyetjet unë ia bëja me informacionet që unë kisha. Ai është përpjekur që të çojë dhe mesazhe. Unë e informova që dorëzimi i tij do shitej si operacion”.
Gazetari Hoxha tha se DEA amerikane mund të kërkojë ekstradimin e Klemend Balilit, nëse ka prova.
“DEA përfshihet në organizata të mëdha kriminale. Nëse DEA ka prova, mund të kërkojë ekstradimin e Kelmend Balilit. Nëse ka bërë krim që ka lidhje me interesat e SHBA, Balili ekstradohet”.
