Kampioni shqiptar Florian Marku ka mbrojtur titullin e kampionit. Marku ka fituar ndaj meksikanit Miguel Parra Ramirez.
Ai ka bërë një ndeshje të madhe dhe mjaft emocionuese në “Air Albania”, duke mos zhgënjyer asnjë nga të pranishmit.
Boksieri shqiptar ka qenë mjaft i emocionuar pas fitores me meksikanin Miguel Parra.
“I them faleminderit të gjithëve që erdhët sot. Kushdo që stërvitet jep shpirtin. Meksikanët janë të fortë. Një duartrokitje për meksikanin që erdhi këtu.
Kam kaluar një jetë jo të lehtë, si të gjithë shqiptarët. Ju falenderoj ju që keni ardhur ketu. Nuk jam as supermen as njeri që nuk goditet, edhe unë kam shpirt, por vetëm diçka ju premtoj. Do jap shpirtin derisa të bie dhe të mos çohem më. Ju premtoj se do jap shpirtin”, u shpreh Marku.
