Partia Demokratike nuk e përjashton bashkëpunimin opozitar me Lëvizjen Socialiste për Integrim pavarësisht akuzave të ashpra ndaj saj përgjatë fushatës elektorale.
Deputeti i kësaj force politike Tritan Shehu rrëfen si do të funksionojë opozita gjatë sesionit të ri parlamentar.
Sipas tij, një bashkëpunim me forcat e tjera që bëjë opozitë, përfshi këtu edhe LSI-në do krijonte një front të fortë opozitar përballë mazhorancës qeverisëse.
“Pa asnjë dyshim PD në Kuvendin e ri do të jetë strumbullari i opozitës sonë. Dhe në këtë fazë shumë të vështirë për vendin, përballë arrogancës dhe gabimeve të rënda të mazhorancës, përballë një situate të thellë kriminale e më drogë të vendit, roli i opozitës merr rëndësi të veçantë, historike do të thosha unë. Dhe këtë rol mund ta luaje vetëm PD në radhe të parë, për vetë vlerat, historinë, përkatësinë ne qendrën e djathte te saj, dimensionet qe ka, rrugëtimin qe ka bere etj. Ky rol është shumë i rëndësishëm per te sotmen dhe te nesërmen e vendit tone. Dhe ne kete aspekt te luftes opozitare, qe do te jete e larmishme, demokratike, vizionare e alternative ne kemi ne krah dhe aleatet tane te koalicionit tone para zgjedhor. Por, dhe kete dua ta theksoj, une jam i bindur se ne do te bashkepunojme me te gjitha ato forca politke reale dhe qe jane te vendosura te jene aktive ne opozite. Dhe ketu fjalen e kam ne radhe te pare per LSI, me te cilen mund te kete shume interesa e alternativa te perbashketa. Pa dyshim kur keto do te perputhen une besoj se bashkepunimi nuk ka pse dhe nuk duhet te mungoje. Kjo eshte elementare ne politike. Dhe ne kete sens une nuk shoh asnje rivalitet e problem”,- thotë ai në një intervistë për Mapo.
