Gjendet i vdekur pas 13 ditësh vogëlushi Julen, i cili ra në një pus të nëndheshëm. Historia e tij preku miliona njerëz në Spanjë, e tashmë është shuar çdo shpresë për një mrekulli se 2-vjeçari mund të ishte ende gjallë.
Pas 13 ditësh gërmime dhe lutjesh në mbarë botën, Julen u gjet në orën 1:25 me orën lokale, tashmë i vdekur.
“Për fat të keq, përkundër shumë përpjekjeve nga ana e shumë njerëzve, nuk ishte e mundur… RIP Julen”, shkroi në “Tëitter”, Roja Civile, duke iu drejtuar familjarëve të vogëlushit me ngushëllimet më të sinqerta.
Trupi i vogëlushit u gjet më shumë se 100 metra nën tokë, ndërsa kërkimi vijoi prej ditësh teksa tuneli kishte dalë më i ngushtë nga sa mendohej se ishte, duke bërë që inxhinierët të bënin llogaritë gabim dhe të rinisnin kërkimet nga e para.
Prindërit e vogëlushit kishin ende një shpresë se do e gjenin të birin gjallë, por fatkeqësisht nga vogëlushi Julen ata kanë marrë lajmin e pikëlluar pas gjetjes së tij pa jetë.
Në vitin 2017, prindërit e Julen kishin humbur një tjetër djalë trevjeçar, Oliver.
