Treshja e sulmit të PSG-së duket se është duke funksionuar mjaft mirë në këtë fillim sezoni, pasi Cavani, Neymar dhe Mbappe kanë shënuar të tre në fitoren e sotme ndaj Angers. Parisienët ndodhen në vendin e parë të Ligue 1 me pikë të plota . ndeshja u zhbllokua nga Cavani në minutën e 12’ pas një topi të hedhur në zonë nga Neymar.
Por miqtë barazojnë përkohësisht në minutën e 22’ me golin e Mangani. Por pas pushimit fillon spektakli i PSG. Mbappe rivendos avantazhin në minutën e 51’ me një super gol që me siguri do të jetë kandidati për golin e javës në kampionatin francez.
Në minutën e 66’, ishte Neymar ai që siguroi fitoren për ekipin e tij pas pasimit të Mbappe, i cili ishte përsëri lojtari më i mirë në fushë për skuadrën e tij.
