Padiskutim që një lindje e dytë kërkon gjithashtu një planifikim po aq të detajuar sa lindja e parë. Mjekët nuk e këshillojnë që një femër të përjetojë një shtatzëni të dytë brenda vitit, e ndërsa trupi i saj pas një shtatzënie, kërkon kohë që të rikuperohet.
Dëshira për të krijuar një familje të madhe bën që çiftet të përshpejtojnë, por studimet kanë vendosur një hark kohor nga lindja e parë në të dytë.
Duke iu referuar studimeve të ndryshme shkencore, një hendek prej të paktën 3 vite është mëse i domosdoshëm, si për fëmijën dhe për nënën. Ajo çfarë mendojmë si fillim lidhet me faktin se fëmijet që lindin afër me njëri-tjetrin kanë më pak diferenca, ndaj do të lidhen ngushtë me njëri-tjetrin. Të kaluarit shumë kohë bashkë, i ndihmon fëmijët të krijojnë një marrëdhënie me baza të forta që në fëmijëri. Po kështu edhe për prindërit, duket se përvoja e tyre është më e freskët.
