Tre të plagosur e një në pranga është bilanci i një aksidenti ndodhur mbrëmjen e djeshme, në një rrugicë të fshatit Novoselë në Vlorë. Policia e Vlorës ka arrestuar shtetasin Eridjon Qarri, 29-vjeç.
I riu, duke drejtuar automjetin e tij tip Renault me targa AA 497 LF, është përplasur me makinën Alfa Romeo me targa AA 849 HF.
Në këtë makinë udhëtonin katër persona, shoferi me inicialet O.N., 28-vjeç dhe tre gra, A.N. 24-vjeç, S.A. 44-vjeç dhe V.H. 43-vjeç. Tre pasagjeret u plagosën lehtë dhe u dërguan në spital, për ndihmë mjekësore, ku fatmirësisht ndodhen jashtë rrezikut për jetën.
