Punonjësit e Bashkisë zbuluan një skulpturë të Helidon Xhixhës. Skulptura e cila është vendosur në “Zogun e Zi”, në kryeqytet, i ka dhënë një tjetër pamje qytetit.
Skulptori shqiptar Helidon Xhixha, është një prej emrave më të kërkuar artistikisht në Europë, SHBA, Amerikën Latine si edhe Lindjen e Mesme.
Ai njihet për veprat e tij të krijuara me dizajne nga më të veçantat, pasi ka në fokus format abstrakte prej çeliku të pandryshkshëm.
Punët e tij janë prezantuar në sheshet më të njohura të Evropës, ku dallojnë format abstrakte prej çeliku të pandryshkshëm. Xhixho ka vazhduar studimet në Akademinë e Arteve të Bukura në Tiranë, dhe më pas është transferuar në Itali.
Më pas në vitin 1998, ai ka shkuar në Londër ku ka vazhduar Universitetin Kingston. Aty ka përvetësuar mesë miri teknikën e gdhendjes, skulpturës dhe fotografisë. Mediat e huaja shkruajnë se punimet e Helidon Xhixhës konsiderohen si “fatsjellëse” për vendet ku ato vendosen.
