Trajneri i Lushnjës, Atran Bano, ka deklaruar pas ndeshjes se do të japë dorëheqjen dhe se është mjaft i zhgënjyer nga ajo çfarë po jep ekipi në fushë. Nuk e kuptojë pse lojtarët nuk kanë dëshirë të vrapojnë dhe të qëndrojnë në pozicionet që u jap un. Kur diçka nuk shkon mirë në ekip, përgjegjësit i mbetën trajnerit dhe ai duhet të japë dorëheqje, lojtarët të vazhdojnë të luajnë dhe të shënojnë gola ajo është detyra e tyre.
Çfarë ndodh me skuadrën kur pritej një lojë e mirë?
Ishte zhgënjim për publikun dhe për mua. Pjesa e parë ishte e ekuilibruar, u munduam të shënonim. Pjesa e dytë u shthurëm totalisht. Kundërshtari pati më shumë dëshirë për ta fituar ndeshjen dhe e meritoi fitoren. Dua të theksoj se patëm një shok psikologjik. Nuk zhvilluam as një lojë të mirë. Dua të marr përgjegjësitë e mia, dhe do bisedoj me drejtuesit për të parë pozicionin tim. Ndoshta mund të largohem.
Keni shumë vite te Lushnja, e ngritët në superior, jeni i zhgënjyer, i pambështetur?
Ne varemi nga Bashkia, drejtuesit nuk kanë çfarë të bëjnë më shumë. Jam i zhgënjyer sepse është sakrificë e madhe, dhe unë personalisht nuk e meritoj të zhgënjehem në këtë mënyrë. Nesër mund ta paraqes edhe me shkrim dorëheqjen time. Por, theksoj se jam shumë i zhgënjyer nga skuadra. Pëson gola foshnjarakë dhe del nga detyrat që i caktoj unë. Duhet të jetë dikush tjetër që ta rregullojë këtë punë.
Kur lojtarët nuk sillen si burra në fushë, nuk mendoj se është përgjegjësi vetëm e juaja. Klubi duhet të ndërhyjë që të marri ndonjë masë?
Unë mendoj se nga ajo që pashë sot se ekipi nuk ka dëshirë për të vrapuar. Këtu diçka nuk shkon, dhe tashmë dihet që përgjegjësinë e marr unë. Për sot e marr unë përgjegjësinë. Detyra e lojtarëve është që të shënojnë dhe të mos pësojnë gola foshnjarakë.
