Cunami që preku pak ditë më patë Indonezinë ka sjellë pasoja shkatërruese duke shkaktuar vdekjen e mbi 400 personave. Në mes të kaosit dhe përmbytjes masive, një banorë i fshatit Way Muli në bregun e Sumatrës ka përjetuar një situatë me të vërtetë të tmerrshme.
Udin Ahok u detyrua që të bënte një zgjedhje të vështirë që askush nuk do të donte kurrë të bënte: ai ishte i detyruar të shpëtonte njërin mes gruas së tij, nënës dhe fëmijës.
46-vjeçari indonezian sapo kishte shkuar për të fjetur të shtunën në mbrëmje, kur cunami u përplas në shtëpinë e tij. I zënë në panik, ai po përpiqej që të arrinte nënën e tij 70-vjeçare dhe djalin njëvjeçar, por më pas pa gruan e tij duke u mbytur në ujërat e turbullta.
Ai e rrëmbeu gruan dhe të dy ia arritën ti mbijetonin cunamit vullkanik i cili shkatërroi bregdetin e Indonezisë, duke lënë të vdekur mbi 400 persona. Nëna dhe fëmija u gjetën të vdekur nën malet e mbeturinave.
“Unë nuk kisha kohë dhe mundësi për të shpëtuar nënën dhe djalin tim”, tha Ahok për AFP. “Ndjehem i shkatërruar. Unë vetëm mund të shpresoj se atyre u është dhënë një vend në duart e Perëndisë.” TIRANA TODAY
