Ndeshja mes Liverpool dhe Romës të martën në mbrëmje dhuroi spektakël në fushën e blertë, por është shoqëruar nga një incident i frikshëm ku një 53-vjeçarë ka mbetur i vdekur. E gjitha ka ndodhur pranë stadiumit ku dy tifozë italianë kasë dhunuar në mënyrë makabër një mbështetës të skuadrës angleze Liverpool dhe për pasojë i moshuari ka hyrë në koma të pakthyeshme, duke e bërë të pashmangshme vdekjen e tij.
“UEFA është totalisht e shokuar nga sulmi i tifozëve të Roma kundër tifozëve të Liverpool dhe mendimet tona janë të gjitha për viktimën dhe familjen e tij.” Kjo ka qenë fjalia e parë e reagimit të UEFA-s lidhur me incidentin e ndodhur mbrëmë në qytetin e Liverpool para sfidës së “Champions League” kundër Romës.
“Autorët e këtij sulmi të turpshëm nuk kanë lidhje me futbollin dhe nuk kanë vend në këtë sport dhe mendojmë se do të trajtohen me ashpërsinë maksimale nga autoritetet,” – vazhdon komunikata e UEFA, që e mbyll duke thënë se është në pritje të raporteve të plota përpara se të marrë masa disiplinore.
