Ish-oficeri i forcave speciale, Arben Bilali, i vrarë me armë zjarri këtë të martë në zonën e Selitës, ka humbur më parë edhe dy vëllezërit e tij. Dyshohet se mbi të është qëlluar me dhjetë plumba.
Në maj të 2010-ës, Arben Bilalit i ishte bërë një tjetër atentat, të cilit i shpëtoi. 50-vjeçari Arben Bilali kishte shërbyer për shumë vite në Policinë e Shtetit, kryesisht tek Komisariati Nr. 2 dhe FNSH.
Atentati ndaj dy vëllezërve
Në vitet 1997 dhe 2010, në dy atentate të ndryshme, atij i janë ekzekutuar të dy vëllezërit.
Nëse Bujar Bilali u vra në një vit të mbrapsht si 1997, vëllai tjetër Leonardi, ish mundës i Dinamos, u qëllua për vdekje në 9 gusht të vitit 2010.
Ata janë ekzekutuar në të njëjtin vend, tek vilat e Selitës, aty ku edhe banojnë.
Pse rrogat rriten në letra, por varfëria rritet në realitet?
