Një 31-vjeçare në Florida të SHBA-ve ka përplasur për vdekje 3 adoleshentë, teksa po prisnin autobusin për të shkuar në një ndeshje futbolli.
Autoritetet konfirmuan se aksidenti tragjik ndodhi të shtunën mbrëma, kur gruaja e cila ishte kërcimtare, doli nga një klub striptizmi me makinën e saj tip “Fuoristradë”.
Striptistja, identifikuar si Mariam Coulibaly kishte edhe 42 gjoba të tjera për drejtimin e makinës, ndërsa mësohet se ajo ishte në gjendje të dehur në momentin kur përplasi tre djemtë, Gedeon Desir, 13-vjeç, Lens Desir, 15-vjeç dhe Richecarde Dumay, 17-vjeç.
31-vjeçarja i mbijetoi aksidentit, ndërsa tha nga shtrati i spitalit se: “Unë jam e dëshpëruar për gjithçka ka ndodhur. Sapo jam zgjuar nga një shok. Nuk e dija që kisha lënduar njerëz.”
