Zbardhet ekspertiza mjeko-ligjore e tragjedisë në Romanat të Durrësit, ku 3 vogëlushë u dogjën të gjallë brenda në banesën e tyre.
Sipas ekspertizës, vdekja e fëmijëve ka ardhur nga asfiksia e më pas trupat e tyre ishin djegur totalisht, deri në karbonizim.
Trinjakët 3-vjeçare ishin lënë vetëm në shtëpi nga e ëma, e cila i kishte mbyllur në banesë dhe ishte larguar nga shtëpia me dy vajzat e saj më të mëdha.
Vogëlushët kanë luajtur me një shkrepëse, ku kanë marrë flakë perdet e më pas e gjithë shtëpia.
Trupat e tre 3-vjeçarëve u tërhoqën dje nga morgu, nga ana e familjarëve, të cilës mes dhimbjes së madhe do të mbajnë sot edhe ceremoninë mortore.
Në momentin e tragjedisë nëna 30-vjeçare Migena Konçi, kishte shkuar për një vizitë tek vjehrra, banesa e të cilës ndodhej 100 metra larg nga shtëpia e saj.
