Një tragjedi ajrore është shënuar ditën e djeshme në New York, teksa një helikopter është rrëzuar në ujërat e një lumi, pranë Roosvelt Land. Nga aksidenti humbën jetën 5 persona dhe ngjarja e rëndë ka ndodhur rreth orës 19:00, me orën lokale.
Sipas mediave amerikane, mjeti fluturues ishte marrë më qira nga një grup fotografësh dhe bëhet e ditur se i vetmi që i shpëtoi aksidentit tragjik ishte piloti. Mësohet gjithashtu se dy prej tyre kanë vdekur në vend, ndërsa tre të tjerët u dërguan në spital në gjendje të rëndë dhe më vonë u raportua se humbën jetën.
Nuk dihen shkaqet që kanë çuar në rrëzimin e helikopterit, por dëshmitarët që ndodheshin pranë vendit të ngjarjes, thanë se kanë parë helikopterin e kuq që po ulej me shpejtësi drejt tokës dhe se në pjesën e pasme të tij kishte flakë. Kanë qenë ata që kanë marrë pamjet e para nga mjeti i rënë në ujërat e lumit dhe kanë njoftuar autoritetet.
