Një ngjarje e rëndë ka ndodhur në Pogradec, ku dy persona janë mbytur në rezervuarin e Bradomirës.
Mësohet se viktimat kishin dalë për të peshkuar mëngjesin e sotëm. Një nga viktimat është identifikuar si Arben Pupa, 50 vjeç, trupi i të cilit është nxjerrë nga banorët e zonës.
Ndërkohë, po kërkohet në rezervuar për trupin e viktimës tjetër, identifikuar si Ramazan Kojtari. Pritet ardhja e polumbarëve për të vijuar kërkimet për gjetjen e trupit.
“Më datë 30.12.2018, jemi njoftuar se në rezervuarin e fshatit Bradomirë, duke peshkuar, dyshohet të jetë mbytur dhe për pasojë ka gjetur vdekjen shtetasi A.P, 50 vjeç, banues ne fshatin Bletas.
Trupi i tij, është gjetur dhe është nxjerrë nga uji prej banorëve të fshatit dhe shërbimeve të Policisë në vendngjarje.
Dyshohet se viktima, ka dalë për të peshkuar së bashku me shtetasin Z.K, 56 vjeç, banues në fshatin Bradomirë, për të cilin po vijojnë kërkimet si dhe pritet ardhja e polumbarëve, për të bërë të mundur gjetjen e tij.
Grupi hetimor po punon për sqarimin e plotë të rrethanave të ngjarjes”, thuhet në njoftimin paraprak të policisë.
