Autoritetet franceze thonë se një ndërtesë është shembur në qytetin e Marsejës. Për momentin, mediat në Francë nuk raportojnë për viktima.
Sipas të dhënave paraprake, bëhet fjalë për një ndertesë 6-katëshe, e cila është rrënuar tërësisht.
Prefektura rajonale u kërkoi njerëzve që të largohen nga vendngjarja, dhe të evitojnë kalimin në këtë zonë.
Menjëherë kanë ndërhyrë forcat policore dhe të zjarrfikëses, në ndihmë të personave që mund të jenë zënë poshtë nën rrënoja.
Raportimet e para flasin për dy të plagosur lehtë. Një grua është nxjerrë nga pallati e mbuluar nga pluhuri.
