Moti i keq që ka përfshirë vendin me temperatura të ulëta dhe erë shumë të fortë ka shënuar viktimat e para. Një ngjarje e rëndë ka tronditur fshatin Buzhalë të njësisë administrative Qelez të Pukës, pas gjetjes së dy të rinjve të pajetë.
Mësohet se dy të rinjtë ndodheshin prej dy ditësh në një stan me bagëti. Fillimisht kanë qenë banorët e zonës dhe familjarë të viktimave që kanë njoftuar policinë. Sipas informacioneve të para mësohet se dy të viktimat janë shtetasit T. Pjetri 20 vjec dhe K. Maka 24 vjec.
Mësohet se K.Maka ka shkuar te shoku i tij që po ruante bagëtitë. Ajo që momentalisht dyshon policia është që ngjarja të jetë shkaktuar nga kushtet e vështira atmosferike.
