Guardia di Finanza e Pavias, me urdhër të gjyqtarit hetues të Milanos, zbatoi në provincat e Pavia, Milano, Reggio Calabria, Leccodhe Piacenza një urdhër paraburgimi ndaj 20 të dyshuarve, 15 në burg dhe 5 në arrest shtëpiak, të akuzuar se i përkasin një organizate të dedikuar për trafikun e drogës, e ndarë në nëngrupe të ndryshme me detyra të ndryshme.
Hetimet e njësisë së policisë ekonomike-financiare të Fiamme Gialle dhe Scico, të koordinuara nga DDA e Milanos, zbuluan se nga bazat strategjike në Amerikën e Jugut, kontrolloheshin dërgesat e kokainës.
Nga hetimi doli se organizata, me kontakte me “Ndrangheta” dhe që dyshohet se kishte ngritur një operacion të madh të trafikut të drogës që përfshinte edhe udhëheqësin e ultrasve të AC Milan, Luca Lucci, me shitjen e drogës do të kishte “gjeneruar një masë e madhe parash” për afërsisht 11 milionë euro , duke përdorur “sisteme fshehjeje që synojnë heqjen e fitimeve të paligjshme nga gjurmueshmëria dhe konfiskimet”. Kjo shpjegohet nga Guardia di Finanza e Pavia, e cila sqaron sesi grupi do t’u ishte drejtuar, në mënyrë sistematike, organizatave të strukturuara të menaxhuara “nga koleksionistët kinezë”, të cilët tani janë zotërues ekskluzivë të kanaleve bankare nëntokësore, të ashtuquajturat “banka nëntokësore” për të transferuar para jashtë vendit sipas sistemit “fei eh ‘ien”, një qark financiar që synon transferimin e parave me garanci të plotë anonimiteti.
Organizata importoi sasi të mëdha kokaine, falë edhe marrëdhënies së privilegjuar të një organizatori të grupit me grupet e krimit të organizuar me bazë në Kalabri. Në të njëjtën kohë, organizata ka shpërndarë sasi të mëdha hashashi që vinte nga Maroku dhe Spanja, falë punës së një trafikanti droge të nivelit shumë të lartë, të arrestuar gjatë operacioneve të fundit të kryera në qytetin e Milanos, i cili ka marrëdhënie solide të krijuara mbi kohë me prodhuesit dhe furnizuesit më të mëdhenj të Afrikës së Veriut.
1 ton kilogramë kokainë, 1 ton kilogram hashash, 173 kilogram heroinë janë importuar dhe shpërndarë. Afërsisht 250 kilogramë drogë dhe një shumë prej 800 mijë eurosh cash janë sekuestruar gjatë fazës së transferimit jashtë vendit.
Mes 20 personave të arrestuar janë edhe shqiptarët:
Saimir Bilacaj, i lindur më 1 tetor 1985 në Shqipëri
Alban Begeja, i lindur më 16 korrik 1980 Në Shqipëri
Gletian Tota, lindur më 17 shkurt 1986 në Shqipëri
Tonio Prendi, lindur më 9 janar 1962 në Shqipëri
Saimir Bilacaj rezulton i arrestuar në korrik të këtij viti në Shëngjin, si i kërkuar nga Italia për trafikimin e 110 kg kokainë nga Belgjika. Ai qëndronte në Shëngjin me dokumente ukrainase të falsifikuara. Alban Begeja rezulton gjithashtu i arrestuar në Shqipëri në vitin 2022, si pasagjer në një automjet ku u gjet 2 pistoleta.
