Kur bllokoheni për disa minuta në trafik, nisni që të nervozoheni. Dhe me plot të drejtë, pasi duhet të shkoni diku në orar. Por e keqja nuk ka fund. Në gushtin e vitit 2010, një bllokim trafiku në Pekin zgjati plot 12 ditë, duke shkaktuar një kolonë makinash 100 km të gjatë përgjatë autostradës Pekin-Tibet dhe Autostradës Kombëtare 110.
Trafiku u zhbllokua, vetëm pasi autoritetet lejuan hyrjen e më shumë kamionëve në Pekin. Në fakt, kryeqyteti kinez ka ligje të rrepta “për racionimin e hapësirës rrugore”, me orare të sakta të qarkullimit, dhe me rrugë alternative për kamionët.
