Gazetarja e vjetër e kronikës, Anila Hoxha, është tronditur nga masakra që ndodhi në Ebasan, me tre viktima. Mjaft e rebeluar me këtë situatë kriminale që ka kapluar vendin, ajo kërkon të dijë nga shteti shqiptar se pse qëndron në heshtje, por kur bëhet fjalë për gjobat poston pa mbarim video në rrjetet sociale, e mburret ngado. Gazetarja si fillim shënjestron uniformat blu, ku për të, kanë humbur statusin e udhëheqësit e mbrojtësit të rendit e sigurisë. Pasi policia nuk figuron me zë e figurë për të përcjellë detajet tronditëse, por mjaftohet me një mesazh në WhatsApp.
Anila nuk e lë me kaq. Duke sjellë në fokus qytetin ku ndodhi atentati, krejt natyrshëm i lind pyetja se çfarë bëjnë ekspertët e hetimit parandalues. Si për ironi të fatit, informacioni mungonte.
Për të, policia është bërë për të qarë hallin, Shërbimi Informativ po kështu. Trafikantët shesin e blejnë drogë sikur të ishin rrobë “gabi”, e ndërsa shteti rri e bë sehir.
Më e rëndë bëhet fakti se pavarësisht operacioneve të zhurmshme, grupet kriminale vetëm sa gërvishten. Me një mesazh ulëritës, gazetarja e kronikës thotë se Prokuroria fle, e ndërsa Krimet e Rënda kanë rënë.
Teksa vrasjet e larjet e hesapeve po kthehen në kryefjalë të ditës, hetuesit ende qëndrojnë nën hije, duke mos marrë masat, për të parandaluar këto masakra. Kur krimi është ulur këmbëkryq, frika që na ka kapluar është se cili do të jetë qyteti i radhës, ku do merren sërish jetë njerëzish.
Nga: Anila Hoxha
Para dhe pas një krimi
“Policia doli serisht te mbledhe plumba. Plumba qe u derdhen mbi 3 njerez. Policia u mjaftua me dy gisht shkrim ne WhatsApp ne grup, per njoftuar cektazi se çfare kishte ndodhur. Asnje e dhene konkrete zyrtare, veç informacionit medioker se ne iks vend, u qellua dhe punohet qe ngjarja te zbardhet. A kishin emer viktimat, nga ishin, ku kishin qene, sa persona qelluan? Asgje prej tyre !!
Dhe ky nuk eshte sekret hetimor, eshte detyrim ligjor per te informuar publikun. Dhe as me WhatsApp jo, por te dilet me ze e figure, siç i ngjisin podiumet kur duan te mburren per gjobat.
Policia mbreme numeroi serisht plumbat e derdhur ne nje atentat te llogaritur dhe te planifikuar. Prokuroria hesht per krimin.
Nese do te kemi parasysh qytetin ku ndodhi atentati, dhe perplasjet mes dy grupeve ne Elbasan, vras mendjen ç’bejne ata ekspertet e hetimit parandalues?
Zero informacion operativ. Zero informacion paraprak. Policia eshte bere per te qare hallin. Sherbimi informativ po ashtu. Prokurori zere se nuk egziston. Shto edhe yshtjen”ata po lajne hesapet, ata kishin llogari te prishura droge”.
Dhe shteti rri e ben sehir. Inegzistent. Trafikantet shesin e blejne droge sikur te ishte rrobe ‘gabi’, dhe kur u prishet peshorja, s’ka gje do ta rregullojne me plumba. Le te vriten thote shteti.
Grupet vazhdojne te presin gjoba. S’ka gje, do sqarohen me plumba.
Nga burgjet vazhdohet te porositen krime, s’ka gje.
Mjafton qe policet mos te pine kafe brenda orarit, mjafton qe policet mos te jene ne kryqezime, mjafton qe te duken bukur. Shtet fasade!!!
Gjate gjithe dites se djeshme, deri ne mbremje u gjenda ne Elbasan. Persa kohe ne tavoline isha me gazetare lokale , i pyeta shpesh per Elbasanin. Isha kurioze te degjoja çfare ishte bere me Suel Celen, dhe pse e di qe ende nuk eshte arrestuar. Isha kurioze per Capajt, apo perse Elbasani vazhdon te jete kaq i veshtire, njejte si Vlora dhe Shkodra.
Dhe me kujtohet ai aksioni blic ne Vlore kur pasi thane se e krehen Vloren mire e mire, nxoren prej andej njerin me arme pa leje. Lajm i bujshem shume, rendi u vendos, krimi u zmpraps !
Ne Shqiperi vazhdojne te kryhen operacione te zhurmshme, prej te cilave grupet vetem sa gervishen. Sa ju bllokohet ndonje makine apo u kapen ca fisheke, per te cilat policia lokale ju pergjerohet se do t’ua ktheje. Prokuroria fle, ne gjumin me te rende qe mund te kete patur nje institucion. Krimet e Renda kane rene, prokuroret aty numerojne ditet, dhe merren me çeshtje qesharake. Edhe ajo historia e bujshme e sekuestrimit te ca makinave te nje qytetari nga Elbasani u mbyll. Show vetem show.
S’ka asnje emer ende kush e vrau Ervin Dalipaj dhe shokun e tij. Kush e vrau Edisonin e 7 pallateve? Kush e vrau ish policin Bercama dhe bashkejetuesen me te ? Ka nje liste emrash te vraresh, qe te gjithe e dime se nuk u vrane per çeshtje banale, por nga bandat.
Çdo fund viti ka vrasje, lahen hesape por hetuesit nuk tunden. Nuk ndryshojne menyren si duhet parandaluar, e si duhet te jete prezent shteti per te arrestuar “porositesit” . Cili qytet e ka radhen per tu tronditur nga atentate si i mbremshmi, Vlora, Durresi apo Shkodra?
Dhe per ta mbyllur. Ngjarjet sa per fasade do te tregohen keshtu, “policia blindon Elbasanin, kryhen kontrolle…Lleshi takim me drejtoret dhe shefat per te folur per floten e policise”, përfundon ajo.
